Di Rumah Sakit Jiwa

"Pa dokter,Pa dokter,rerencangan sakamar abdi beuki maceuh wae," ceuk salasaurang pasen rumah sakit jiwa ka dokter jaga.
"Beuki maceuh kumaha kitu,jang?" dokter nanya. Geus maju ka cageur tangtuna oge ieu mah, da geuningan make bisa laporan sagala, pikir eta si dokter.
"Manehna teh naek kana meja bari gogorowokan, Aing teh lampu nu nyaangan ieu kamar, kitu we teras meni gandeng"ceuk eta pasen.
"Buru-buru atuh ku ujang titah turun!" ceuk dokter.
"Har, atuh meureun engke jadi poek di kamar teh,pami manehna turun mah!"ceuk anu mawa laporan.
"Heueuh nya,bener maneh, bakalan poek atuh" tembal eta dokter.