MOGE (MOtor GEde)

Hiji mangsa aya motor gede (MOGE) anu hargana teu kaitung, ngaliwat ka jalan anu teu pati rame. Nagn ukur tukang beca, nu bobogohan dina motor bebek jeung pasapon (tukang sasapu).
Eta motor gede lalaunan ngaliwat nyiap beca, nu numpakna ngomong ka tukang beca :

"Kang apal henteu motor ieu........?"

Tukang beca nembalan "Henteu den!" bari ngagerentes dina hatena "Emh, meni sombong kitu eta jelema, abong-abong ka jalma leutik"
Motor gede tea terus nyiap deui motor bebek :

"Kang, apal teu motor ieu?"

Anu keur bobogohan dina motor bebek ngarasa di hina hareupeun kabogohna, manehna ngajawab bari teugeug "Emangnya kenapa dengan motor loe? Paling juga dapet dari korupsi, mendingan gua yang pake motor ini dapet nyicil pake uang halal ...... huh sombong banget!" ceuk anu numpak motor. Manehna rada kasinggung ku jelema anu numpak moge tea "Neng, kade nya ulah kabita ku jelema agul kitu, can tangtu motor eta teh anu manehna, da katingalina mah teu kabeungeutan"
Moge tea mimiti galuang-galeong ampir nabrak anu keur sasapu di sisi jalan, kadenge keneh manehna ngomong :

"Kang, apal teu motor ieu?................"

Tukang sasapu ngan bisa olohok, teu ngartieun maksud anu numpak motor gede tea. Teu kungsi lila eta motor tikusruk kana susukan.
Kabeh anu ningali eta kajadian nyalampeurkeun. Kajeun kareuheuleun oge maranehanana teu burung nulungan bari ngomong :
"Na atuh jadi jelema teh sombong-sombong teuing, jadi we kajadian model kieu" ceuk sarerea.
Eta jelema ngomong bari muringis nahan nyeri :
"Ti tatadi oge abdi mah sanes sombong" kabeh anu aya didinya ampir bareng
"Alaah .... tadi maneh sajajalan ngomong naon?"
Nu labuh tadi nembalan bari eureun-eureunan ngararasakeun kanyeri:

"Sumuhun ti tatadi oge abdi teh bade naroskeun ka akang-akang teh........."

"Kang apal henteu motor ieu? ........."
"KUMAHA CARA NGEUREUNKEUNANA? ......"